.png)
有機咖啡
真實客戶見證 - Deep Valley 深烘焙有機咖啡
中環蘇豪區酒吧林立，31 BASEMENT 選址如其名，位於士丹頓街31號地庫一條神秘嘅小巷，為中環上班族提供一個悠閒型格嘅私密空間。甫進入餐廳，就可以見到一串猶如摩斯密碼嘅霓虹燈門牌，旁邊係 Inhale Exhale 光管，意指「一呼、一吸」，有別於其他中環區酒巴，店內提供水煙同茶供應，配搭更為馥郁清新，好有特色。
為左配合門口樓梯空間，特別用左磨砂玻璃趟摺門，令門口位置視覺更加開揚，途人都可以一窺店內神秘嘅格調。餐廳室內設計以灰黑色為主，配合大量懷舊同埋英美式元素，例如復古寶藏盒、導演燈、水管燈、皮梳化等等，即使整體顏色偏向深沉，但係都唔會單調沉悶。食客可一邊進食水煙，一邊感受 60、70 年代美好嘅生活細節，忘卻煩惱。
餐廳燈光設計有冷暖色交疊，冷色營造乾淨型格嘅感覺，暖色就可以平衡整體氛圍。店內亦都不乏店主嘅珍貴收藏品，例如顏色鮮艷嘅復古車牌、音樂家同藝術家海報等裝飾物，點綴牆身及天花，令店內生色不少，更添復古浪漫情懷。
